Harish: ఫీల్ గుడ్ లవ్ స్టోరీగా 'మరువ తరమా'.. టైటిల్ లోగో రిలీజ్!

మంచి ప్రేమ కథలను ప్రేక్షకులు ఎప్పుడూ ఆదరిస్తూనే ఉంటారు. మనసుకు హత్తుకునే ప్రేమకథలు ఈ మధ్యకాలంలో అరుదుగా వస్తున్నాయి. ఇలాంటి తరుణంలోనే ఫీల్ గుడ్ మ్యూజికల్ లవ్ స్టోరీగా 'మరువ తరమా' రాబోతోంది. హరీష్‌ ధనుంజయ్ హీరోగా, అతుల్య చంద్ర .. అవంతిక హీరోయిన్లుగా ఈ సినిమాతో పరిచయమవుతున్నారు. 

సిల్వర్ స్క్రీన్ పిక్చర్స్ బ్యానర్ పై రమణమూర్తి, రుద్రరాజు విజయ్ కుమార్ రాజు సంయుక్తంగా ఈ సినిమాను నిర్మించారు. ఈ చిత్రానికి చైతన్యవర్మ నడింపల్లి దర్శకత్వం వహించాడు. ఇది ఒక విభిన్నమైన .. విలక్షణమైన ప్రేమకథ అనీ, సహజత్వానికి దగ్గరగా ఆవిష్కరించడం జరిగిందని మేకర్స్ తెలిపారు. 

రీసెంటుగా షూటింగ్ పూర్తిచేసుకున్న ఈ సినిమా .. పోస్ట్ ప్రొడక్షన్‌ పనులను జరుపుకుంటోంది. న్యూ ఇయర్ సందర్భంగా ఈ మూవీ టైటిల్ 'లోగో'ను విడుదల చేశారు. ఈ పోస్టర్ చూస్తుంటే ఎంతో ఆహ్లాదకరంగా అనిపిస్తోంది. బీచ్‌లో హీరో హీరోయిన్ల రొమాంటిక్ పోజ్ అందరినీ మెప్పించేలా ఉంది. త్వరలోనే విడుదల తేదీని, మిగతా వివరాలను ప్రకటించనున్నారు.