Raviteja: దండకడియాల్ .. దస్తీ రుమాల్ : 'ధమాకా' నుంచి హుషారైన మాస్ బీట్! 

రవితేజ అంటేనే మాస్ .. అందువల్లనే ఆయన సినిమాల్లో మాటలు .. పాటలు ఆ దారిలోనే నడుస్తాయి. ఆయన తాజా చిత్రంగా ప్రేక్షకుల ముందుకు రావడానికి 'ధమాకా' సిద్ధమవుతోంది. విశ్వప్రసాద్ - వివేక్ కూచిభొట్ల నిర్మించిన ఈ సినిమాకి, నక్కిన త్రినాథరావు దర్శకత్వం వహించాడు. 

కొంతసేపటి క్రితం ఈ సినిమా నుంచి లిరికల్ సాంగును రిలీజ్ చేశారు. రవితేజ - శ్రీలీలపై ఈ హుషారైన పాటను చిత్రీకరించారు. ప్రత్యేకంగా వేసిన సెట్లో కలర్ ఫుల్ గా ఈ పాటను పిక్చరైజ్ చేశారు. 'దండకడియాల్ దస్తీ రుమాల్ మస్తుగున్నోడంటివే పిల్లో' అంటూ ఈ పాట సాగుతోంది. 

జానపద బాణీలో జోరుగా నడిచే ఈ పాటను భీమ్స్ కంపోజ్ చేశాడు. ఆయనతో కలిసి సాహితి చాగంటి .. మంగ్లీ ఈ పాటను ఆలపించారు. జానీ మాస్టర్ నృత్య దర్శకత్వంలో జోరుగా మొదలైన ఈ పాట, కొంతదూరం వెళ్లిన తరువాత ఊపు తగ్గిందేమో అనిపిస్తుంది. ఈ నెల 23వ తేదీన ఈ సినిమా ప్రేక్షకుల ముందుకు రానుంది.