NTR30: ఎన్టీఆర్ 30వ చిత్రం ప్రీప్రొడక్షన్ పనులు ముమ్మరం
- కొరటాల శివ దర్శకత్వంలో ఎన్టీఆర్ చిత్రం
- త్వరలో పూజా కార్యక్రమాలు
- చర్చల్లో పాల్గొన్న కొరటాల శివ, సాబు సిరిల్, రత్నవేలు
యంగ్ టైగర్ ఎన్టీఆర్ నటిస్తున్న 30వ చిత్రం ప్రీ ప్రొడక్షన్ పనులు ఊపందుకున్నాయి. కొరటాల శివ దర్శకత్వంలో ఎన్టీఆర్ కొత్త చిత్రం త్వరలోనే పూజా కార్యక్రమాలు జరుపుకోనుంది. ఈ నేపథ్యంలో, ప్రారంభ షెడ్యూల్ కు సంబంధించిన చర్చల్లో దర్శకుడు కొరటాల శివ, కెమెరామన్ రత్నవేలు, ప్రొడక్షన్ డిజైనర్ సాబు సిరిల్ పాల్గొన్నారు.
దీనిపై యువసుధ ఆర్ట్స్ తన సోషల్ మీడియా అకౌంట్లో వెల్లడించింది. ఈ చిత్రానికి అనిరుధ్ రవిచందర్ సంగీతం అందిస్తున్నాడు. కాగా, ఈ చిత్రం ఆగిపోయిందంటూ ఇటీవల ప్రచారం జరిగింది. అయితే, చిత్రబృందం తాజా పోస్టుతో రూమర్లకు అడ్డుకట్ట వేసింది.
