Sudeep: రేపే 'విక్రాంత్ రోణ' ప్రీ రిలీజ్ ఈవెంట్!
- సుదీప్ హీరోగా రూపొందిన 'విక్రాంత్ రోణ'
- అనూప్ భండారి దర్శకత్వం వహించిన సినిమా ఇది
- సంగీత దర్శకుడిగా అజనీశ్ లోక్ నాథ్
- ఈ నెల 28వ తేదీన విడుదల
సుదీప్ కి కన్నడతో పాటు తెలుగు .. తమిళ .. హిందీ భాషల్లోను మంచి క్రేజ్ ఉంది. తెలుగులో 'ఈగ' సినిమా విలన్ గా ఆయనకి మంచి క్రేజ్ ను తెచ్చిపెట్టింది. 'బాహుబలి' .. ' సైరా' సినిమాల్లోను ఆయన ముఖ్యమైన పాత్రలు చేశాడు. ఆయన హీరోగా కన్నడలో 'విక్రాంత్ రోణ' సినిమా రూపొందింది.
జాక్ మంజు - అలంకార పాండియన్ నిర్మించిన ఈ సినిమాకి, అనూప్ భండారి దర్శకత్వం వహించాడు. నీతా అశోక్ .. జాక్విలిన్ ముఖ్యమైన పాత్రలను పోషించిన ఈ సినిమాను ఈ నెల 28వ తేదీన భారీస్థాయిలో విడుదల చేయనున్నారు. ఈ నేపథ్యంలో తెలుగు వెర్షన్ కి సంబంధించిన ప్రీ రిలీజ్ ఈవెంట్ ను ఈ నెల 26వ తేదీన నిర్వహించనున్నారు.
ఈ ఈవెంట్ ను హైదరాబాదులోని 'పార్క్ హయత్' హోటల్ లో రేపు ఉదయం 10 గంటల నుంచి నిర్వహించనున్నారు. ఈ విషయాన్ని తెలియజేస్తూ అధికారిక పోస్టర్ ను వదిలారు. అజనీశ్ లోక్ నాథ్ సంగీతాన్ని అందించిన ఈ సినిమా, ఏ స్థాయి రెస్పాన్స్ ను రాబడుతుందనేది చూడాలి.
