Mohammad Shami: కోటి రూపాయల జాగ్వార్ కారు కొనుగోలు చేసిన టీమిండియా పేసర్

టీమిండియా సీనియర్ పేసర్ మహ్మద్ షమీ ఇంటి గ్యారేజీలో కొత్త కారు చేరింది. షమీ ఇటీవలే ఎర్ర రంగు జాగ్వార్ ఎఫ్ టైప్ స్పోర్ట్స్ కారును కొనుగోలు చేశాడు. ఈ కారు ఖరీదు రూ.98.13 లక్షలు (ఎక్స్ షోరూమ్). ఇది రెండు సీట్ల కూపే మోడల్ కారు. ఇటీవల దీన్ని జాగ్వార్ కంపెనీ ప్రతినిధులు షమీకి డెలివరీ ఇచ్చారు. 

జాగ్వార్ ఎఫ్ టైప్ మోడల్ లో ఇది 2.0 ఆర్-డైనమిక్ వేరియంట్. ఇందులో 2.0 లీటర్ టర్బోచార్జ్ డ్ ఇంజిన్ ఏర్పాటు చేశారు. 8 స్పీడ్ జడ్ఎఫ్ ట్రాన్స్మిషన్, టచ్ స్క్రీన్ ఇన్ఫోటైన్ మెంట్ (ఆపిల్ కార్ ప్లే, ఆండ్రాయిడ్ ఆటో కనెక్టివిటీ) వంటి ఫీచర్లు ఇందులో ఉన్నాయి. షమీ ఇటీవలే రాయల్ ఎన్ ఫీల్డ్ కాంటినెంటల్ జీటీ 650 బైక్ ను కూడా కొనుగోలు చేశాడు.