రేపటి నుంచి జరగాల్సిన జేఈఈ మెయిన్స్ రెండో విడ‌త ప‌రీక్ష‌ల ర‌ద్దు... తిరిగి ఈ నెల 25 నుంచి మొద‌లు

దేశ‌వ్యాప్తంగా ఇంజినీరింగ్ కోర్సుల్లో ప్ర‌వేశాల కోసం నిర్వ‌హిస్తున్న జాయింట్ ఎంట్రెన్స్ ఎగ్జామినేష‌న్ (జేఈఈ) మెయిన్స్ రెండో విడ‌త ప‌రీక్ష‌లు వాయిదా ప‌డ్డాయి. ఇదివ‌ర‌కు విడుద‌లైన షెడ్యూల్ ప్ర‌కారం జేఈఈ మెయిన్స్ రెండో విడ‌త ప‌రీక్ష‌లు ఈ నెల 21 (గురువారం) నుంచి ఈ నెల 30 వ‌ర‌కు నిర్వ‌హించాల్సి ఉంది. అయితే ప‌రీక్ష‌కు ఒక రోజు ముందుగా ఈ ప‌రీక్ష‌ల‌ను వాయిదా వేస్తున్న‌ట్లు నేష‌న‌ల్ టెస్టింగ్ ఏజెన్సీ (ఎన్టీఏ) బుధ‌వారం సాయంత్రం ప్ర‌క‌టించింది. ప‌రీక్ష‌ల వాయిదాకు గ‌ల కార‌ణాల‌ను ఎన్టీఏ వెల్ల‌డించ‌లేదు.  

ఈ క్రమంలో జేఈఈ మెయిన్స్ రెండో విడ‌త ప‌రీక్ష‌ల‌ను ఈ నెల 25 నుంచి నిర్వ‌హించ‌నున్న‌ట్లు ఎన్టీఏ వెల్ల‌డించింది. ఈ ప‌రీక్ష‌ల‌కు సంబంధించిన అడ్మిట్ కార్డుల‌ను గురువారం నుంచి అభ్య‌ర్థులు డౌన్‌లోడ్ చేసుకోవ‌చ్చ‌ని తెలిపింది. జేఈఈ మెయిన్స్ తొలి విడ‌త ప‌రీక్ష‌లు జూన్ 23 నుంచి 29 వ‌ర‌కు నిర్వ‌హించిన ఎన్టీఏ.. ఈ నెల 11న ఫ‌లితాల‌ను ప్ర‌క‌టించిన సంగ‌తి తెలిసిందే.