Chor Bazaar: రేపే 'చోర్ బజార్' విడుదల.. సినిమాపై నెలకొన్న భారీ అంచనాలు!

ప్రముఖ సినీ దర్శకుడు పూరీ జగన్నాథ్ కుమారుడు ఆకాశ్ పూరీ తాజా చిత్రం 'చోర్ బజార్' రేపు (జూన్ 24) ప్రేక్షకుల ముందుకు రాబోతోంది. ప్రపంచవ్యాప్తంగా విడుదల కాబోతోంది. ఈ చిత్రంలో ఆకాశ్ సరసన గెహన సిప్పీ నటించింది. 'జార్జ్ రెడ్డి', 'దళం' చిత్రాలను తెరకెక్కించిన దర్శకుడు జీవన్ రెడ్డి ఈ సినిమాను తెరకెక్కించారు. ఐవీ ప్రొడక్షన్స్ పతాకంపై వీఎస్ రాజు ఈ చిత్రాన్ని నిర్మించారు. అల్లూరి సురేశ్ వర్మ సహ నిర్మాతగా వ్యవహరించారు. ఈ చిత్రానికి సురేశ్ బొబ్బిలి సంగీతాన్ని అందించగా... ప్రియదర్శన్ బాలసుబ్రహ్మణ్యం బ్యాక్ గ్రౌండ్ స్కోర్ అందించారు. 

ఈ సినిమా ట్రైలర్ ను నందమూరి బాలకృష్ణ విడుదల చేసిన సంగతి తెలిసిందే. ఈ సినిమాలోని పాటలన్నీ ఇప్పటికే హిట్ టాక్ తెచ్చుకున్నాయి. ఈ సినిమా కథ అంతా కూడా 100 కోట్ల విలువైన ఒక డైమండ్ చుట్టూ తిరుగుతుంది. కొన్ని పరిస్థితుల్లో ఆ డైమండ్ చోర్ బజార్ కి చేరుతుంది. అక్కడ ఎవరికీ కూడా దాని విలువ తెలియదు. పదికి, పాతికకి దానిని అమ్మడానికి ట్రై చేస్తుంటారు. అప్పుడు ఏం జరుగుతుంది? ఆ తరువాత చోటు చేసుకునే పరిణామాలు ఎలాంటివి? అనేది ఈ చిత్రం కథ. ఈ సినిమాలో ఆకాశ్ పూరీ పక్కా మాస్ లుక్ లో కనిపించనున్నాడు. ఈ చిత్రంపై ఇప్పటికే బిజినెస్ సర్కిల్ లో క్రేజ్ ఏర్పడింది. ఈ సినిమాపై భారీ అంచనాలు నెలకొన్నాయి. 'చోర్ బజార్' ప్రీరిలీజ్ ఈవెంట్ నిన్న హైదరాబాద్ లో ఘనంగా జరిగింది.