Varun Tej: భారీ యాక్షన్ సినిమా కోసం రెడీ అవుతున్న వరుణ్ తేజ్!

వరుణ్ తేజ్ ఇటీవల చేసిన 'గని' భారీ పరాజయాన్ని చవిచూసింది. అల్లు బాబీ నిర్మించిన ఈ సినిమాపై వరుణ్ తేజ్ గట్టిగానే ఆశలు పెట్టుకున్నాడు. ఈ సినిమా గట్టిగానే కొడుతుందని ప్రీ రిలీజ్ ఈవెంట్ లో చెప్పాడు. తీరా చూస్తే థియేటర్ల దగ్గర జనమే కనిపించలేదు. ఓ మాదిరి వసూళ్లను కూడా ఈ సినిమా రాబట్టుకోలేకపోయింది. 

ఆ తరువాత వరుణ్ తేజ్ చేసిన 'ఎఫ్ 3' సినిమా భారీ వసూళ్లను రాబట్టింది. వరుణ్ తేజ్ కి మంచి హిట్ తెచ్చిపెట్టింది. ఇక ఆయన నెక్స్ట్ ప్రాజెక్టు ప్రవీణ్ సత్తారుతో ఉంది.  ప్రస్తుతం ఈ సినిమాకి సంబంధించిన సన్నాహాలు జరుగుతున్నాయి.  త్వరలోనే రెగ్యులర్ షూటింగు మొదలవుతుందని అంటున్నారు. 

నాగార్జున హీరోగా 'ది ఘోస్ట్' సినిమాను రూపొందించిన ప్రవీణ్, ఆ సినిమాను రిలీజ్ కి రెడీ చేస్తున్నాడు. ఆ ప్రాజెక్టు పనులు పూర్తి కాగానే ఆయన ఈ సినిమాపైకి రానున్నాడని అంటున్నారు. ఇది కూడా భారీ యాక్షన్ మూవీనే అని తెలుస్తోంది. ఇక 'జీ 5' కోసం ఒక భారీ వెబ్ సిరీస్ ను కూడా ప్రవీణ్ డైరెక్ట్ చేయనున్నట్టుగా చెబుతున్నారు.