TPCC President: ధాన్యం కొనుగోళ్లపై బీజేపీ - టీఆర్ఎస్ ది బ్లేమ్ గేమ్: రేవంత్ వ్యాఖ్యలు
- ధాన్యం కొనుగోళ్లపై రేవంత్ రెడ్డి విమ‌ర్శ‌లు
- నల్ల జెండా ఎగుర‌వేయ‌ని రైతుల‌కు రైతు బంధు ఇవ్వ‌మంటున్నార‌ని ఆరోప‌ణ
- కేసీఆర్ త‌న నివాసంపై నల్లజెండా ఎందుకు ఎగ‌రేయ‌ట్లేద‌ని నిల‌దీత
తెలంగాణ యాసంగి ధాన్యం కొనుగోళ్లపై టీపీసీసీ చీఫ్ రేవంత్ రెడ్డి కీల‌క వ్యాఖ్యలు చేశారు. ధాన్యం కొనుగోళ్లపై బీజేపీ, టీఆర్ఎస్‌లు బ్లేమ్ గేమ్‌కు తెర తీశాయ‌ని ఆయన ఆరోపించారు. ఈ మేర‌కు ట్విట్ట‌ర్ వేదిక‌గా రేవంత్ రెడ్డి ఈ వ్య‌వ‌హారంపై స్పందించారు.
ధాన్యం కొనుగోళ్ల‌కు సంబంధించి టీఆర్ఎస్ కొన‌సాగిస్తున్న ఆందోళ‌న‌ల‌ను ప్ర‌స్తావించిన రేవంత్ రెడ్డి.. రైతులు తమ ఇళ్లపై నల్లజెండా ఎగురవేయకపోతే రైతుబంధు ఇవ్వబోమని ఓ మంత్రి ఎమోషనల్ బ్లాక్ మెయిల్ చేస్తున్నారని ఆరోపించారు. తాను రైతునే అని జబ్బలు చరుచుకునే సీఎం కేసీఆర్ ఆయన నివాసం ఉండే ప్రగతి భవన్, ఫాంహౌస్ లపై నల్ల జెండా ఎందుకు ఎగరేయలేదని రేవంత్ రెడ్డి నిల‌దీశారు.
