నిర్మాత కుమార్తె పెళ్లికి హాజరైన రజనీకాంత్, కమల్ హాసన్

కోలీవుడ్ నిర్మాత, ఫైనాన్షియర్ అన్బుచెళియన్ కుమార్తె సుస్మిత వివాహం రిటైర్డ్ ఐఏఎస్ అధికారి రాజేంద్రన్ కుమారుడు శరణ్ తో ఘనంగా జరిగింది. చెన్నైలోని తిరువన్మయూరులోని శ్రీరామచంద్ర కన్వెన్షన్ సెంటర్ లో జరిగిన ఈ పెళ్లి వేడుకకు తమిళ సినీ పరిశ్రమ తరలివచ్చింది. తలైవా రజనీకాంత్, అగ్రనటుడు కమల్ హాసన్ ఈ పెళ్లిలో సందడి చేశారు. వేర్వేరుగా పెళ్లికి వచ్చిన వీరిద్దరూ వధూవరులను ఆశీర్వదించారు.

ఈ వివాహ వేడుకకు వచ్చిన వారిలో సీనియర్ నటుడు ప్రభు, విక్రమ్ ప్రభు, విజయ్ ఆంటోనీ, నాజర్, మనోబాల, వైభవ్, దర్శకులు లింగుసామి, వెంకట్ ప్రభు, ఎల్రెడ్ కుమార్, సుసి గణేశన్, నిర్మాతలు బోనీ కపూర్, కలైపులి ఎస్ థాను తదితరులు ఉన్నారు.