ఇంకా ఎవరు వస్తారో తెలీదు.. చూద్దాం: బేగంపేట్ ఎయిర్‌పోర్ట్ వద్ద‌ చిరంజీవి ఆస‌క్తిక‌ర వ్యాఖ్య‌లు

తెలుగు సినీ ప‌రిశ్ర‌మలో ఉన్న స‌మ‌స్య‌ల‌పై చ‌ర్చించేందుకు ఏపీ ముఖ్యమంత్రి జ‌గ‌న్‌తో సినీ ప్ర‌ముఖులు కాసేప‌ట్లో భేటీ కానున్నారు. ఈ నేప‌థ్యంలో చిరంజీవి, ప్రభాస్‌, మహేశ్‌బాబు, త‌దిత‌రులు హైద‌రాబాద్‌లోని బేగంపేట ఎయిర్‌పోర్టు చేరుకుని, ఏపీకి వెళ్తున్నారు. ఈ సంద‌ర్భంగా చిరంజీవి మీడియాతో మాట్లాడుతూ ఆస‌క్తిక‌ర వ్యాఖ్య‌లు చేశారు.

తనకు ఏపీ సీఎంఓ నుంచి ఆహ్వానం అందిందని ఆయ‌న చెప్పారు. ఈ స‌మావేశానికి ఇంకా ఎవరు వస్తారో త‌న‌కు తెలియ‌ద‌ని, చూద్దామ‌ని ఆయ‌న అన్నారు. నేటితో సినీ ప‌రిశ్ర‌మ‌ సమస్యలకు శుభం కార్డు పడుతుందని చెప్పారు. కాగా, ఇప్ప‌టికే సినీ న‌టులు అలీ, పోసాని కృష్ణ మురళీ, ఆర్.నారాయణ మూర్తి విజయవాడ చేరుకున్నారు.