అతడు ఉదయిస్తే లోకం భగభగ... ఆర్ఆర్ఆర్ నుంచి 'రామం రాఘవం' గీతం విడుదల

ఆర్ఆర్ఆర్ చిత్రం నుంచి మరో రోమాంఛక గీతం విడుదలైంది. సీతారామరాజు పాత్రను ఎలివేట్ చేస్తూ సాగే రామం రాఘవం గీతాన్ని చిత్రబృందం యూట్యూబ్ లో పంచుకుంది. సంస్కృతంలో సాగే ఈ పాటకు కీరవాణి తండ్రి కె.శివదత్త సాహిత్యం అందించారు.

దీనిపై రాజమౌళి స్పందిస్తూ, అతడు ఉదయిస్తే లోకాన్ని భగభగలాడిస్తాడంటూ పేర్కొన్నారు. కీరవాణి సంగీతంలో రూపుదిద్దుకున్న ఈ పాటను విజయ్ ప్రకాశ్, చందన బాలకల్యాణ్, చారు హరిహరన్ పాడారు. ఈ పాటను కీరవాణి సెమీ క్లాసికల్, ఫూజన్ తరహాలో స్వరపరిచారు. ఆర్ఆర్ఆర్ చిత్రంలో సీతారామరాజు పాత్రను రామ్ చరణ్ పోషించడం తెలిసిందే.