Hero: విద్యుత్ సైకిళ్ల శ్రేణిలో మరో రెండు మోడళ్లు తీసుకువచ్చిన 'హీరో'

దేశీయ సైకిళ్ల తయారీ దిగ్గజం హీరో రెండు కొత్త విద్యుత్ సైకిళ్లు తీసుకువచ్చింది. లెక్ట్రో బ్రాండ్ కింద హీరో విద్యుత్ ఆధారిత సైకిళ్లను ఉత్పత్తి చేస్తోంది. ఈ శ్రేణిలో తాజాగా ఈ-మౌంటెన్ బైక్స్ ఎఫ్2ఐ, ఎఫ్3ఐ మోడళ్లను నేడు మార్కెట్లో విడుదల చేసింది. ఈ సైకిళ్లను తమ అధీకృత డీలర్ల వద్ద మాత్రమే కాకుండా, ఆన్ లైన్ లోనూ బుక్ చేసుకోవచ్చని హీరో వర్గాలు తెలిపాయి.

వీటిని ఒక్కసారి చార్జింగ్ చేస్తే 35 కిలోమీటర్లు ప్రయాణిస్తాయి. వీటిలో 6.4 ఏహెచ్ బ్యాటరీ పొందుపరిచారు. అత్యాధునిక బైక్ ల తరహాలో 4 ట్రావెల్ మోడ్స్ (పెడలిక్, థ్రాటిల్, క్రూయిజ్ కంట్రోల్, మాన్యువల్) ఇచ్చారు. ఈ రెండు మోడళ్లలో 7 స్పీడ్ గేర్స్, డ్యూయల్ డిస్క్ బ్రేకులు, బ్లూటూత్ కనెక్టివిటీ సదుపాయాలు ఉన్నాయి. ఇక, ధరల విషయానికొస్తే... ఎఫ్2ఐ సైకిల్ ధర రూ.39,999... ఎఫ్3ఐ ధర రూ.40,999 అని కంపెనీ వర్గాలు వెల్లడించాయి.