Nara Lokesh: వైసీపీ నేతలు శునకానందంలో ఉన్నారు: నారా లోకేశ్

ఏపీలో ఈరోజు మున్సిపల్, నగర పంచాయతీ ఎన్నికల ఫలితాలు వెలువడ్డాయి. అధికార వైసీపీ దాదాపు అన్ని స్థానాలను కైవసం చేసుకుంది. కుప్పం మున్సిపాలిటీని కూడా వైసీపీ గెలుచుకుంది. ఈ నేపథ్యంలో వైసీపీ, టీడీపీ నేతల మధ్య విమర్శలు, ప్రతి విమర్శలు వెల్లువెత్తుతున్నాయి. టీడీపీ పని అయిపోయిందని వైసీపీ నేతలు అంటుండగా... అక్రమాలకు పాల్పడి వైసీపీ గెలుపొందిందని టీడీపీ నేతలు విమర్శిస్తున్నారు.

ఈ నేపథ్యంలో టీడీపీ నేత నారా లోకేశ్ వైసీపీపై మండిపడ్డారు. దొంగ ఓట్లు, వందల కోట్లు, గూండాగిరి, అధికారులు-పోలీసుల అండతో కుప్పంలో గెలిచామని... లోకేశ్ రెండు చెంపలను ప్రజలు పగలగొట్టారని వైసీపీ నేతలు శునకానందంలో ఉన్నారని ఎద్దేవా చేశారు. 'రాష్ట్ర వ్యాప్తంగా ప్రజలు ఫ్యాన్ కి వ్యతిరేకంగా ఓటేసి జగన్ బట్టలూడదీసి వాయగొట్టారనేది బులుగు బుర్రలకు ఎప్పుడెక్కుతుందో' అని అన్నారు.