నన్నెవరూ తొలగించలేదు... నేనే పిటిషన్ వేశాను: సమీర్ వాంఖడే

ఆర్యన్ ఖాన్ డ్రగ్స్ కేసు వ్యవహారంలో మరో ఆసక్తికర పరిణామం చోటుచేసుకుంది. ఆర్యన్ ఖాన్ కేసు విచారణ బాధ్యతల నుంచి సమీర్ వాంఖడేను తప్పిస్తున్నట్టు వార్తలు వచ్చాయి. దీనిపై సమీర్ వాంఖడే స్పందించారు. తనను ఎవరూ ఈ కేసు విచారణ బాధ్యతల నుంచి తప్పించలేదని, కేంద్ర దర్యాప్తు సంస్థలతో ఈ కేసు విచారణ జరిపించాలని కోరుతూ తానే న్యాయస్థానంలో పిటిషన్ దాఖలు చేశానని సమీర్ వాంఖడే వెల్లడించారు. ఇకపై ఈ కేసును ఎన్సీబీ ఢిల్లీ విభాగానికి చెందిన సిట్ దర్యాప్తు చేస్తుందని తెలిపారు.