ఆసక్తిని రేపుతున్న 'రాజా విక్రమార్క' టీజర్!

కార్తికేయ కథానాయకుడిగా 'రాజా విక్రమార్క' సినిమా రూపొందుతోంది. '88' రామారెడ్డి నిర్మించిన ఈ సినిమాకి, శ్రీ సరిపల్లి దర్శకత్వం వహిస్తున్నాడు. ఈ సినిమాలో కార్తికేయ ఎన్.ఐ.ఎ. ఏజెంట్ గా కనిపించనున్నాడు. ఈ సినిమాలో ఆయన జోడీగా తాన్యహోప్ అలరించనుంది.

వరుణ్ తేజ్ చేతుల మీదుగా కొంతసేపటి క్రితం ఈ సినిమా నుంచి టీజర్ ను రిలీజ్ చేయించారు. టీజర్ అంతా కూడా తనికెళ్ల భరణి - కార్తికేయ పాత్రలపై కట్ చేశారు. కంటెంట్ కి తగినట్టుగానే యాక్షన్ ఎపిసోడ్స్ పుష్కలంగా ఉన్నాయనిపిస్తోంది.

కార్తికేయ పాత్రకి యాక్షన్ తో పాటు కామెడీ టచ్ కూడా ఇచ్చినట్టుగా అర్థమవుతోంది. కీలకమైన పాత్రలో సాయికుమార్ కనిపిస్తున్నాడు.