అన్ని వేరియంట్లను తట్టుకునేలా ఒకే వ్యాక్సిన్ తయారు చేయాలి: డబ్ల్యూహెచ్ఓ చీఫ్ సైంటిస్ట్ సౌమ్య

ప్రపంచ వ్యాప్తంగా ఎన్నో ప్రయత్నాలు జరుగుతున్నప్పటికీ కరోనా కేసులు తగ్గుముఖం పట్టడం లేదు. కరోనాలో రకరకాల వేరియంట్లు పుట్టుకురావడంతో కేసుల కట్టడి అదుపులోకి రావడం లేదు. వ్యాక్సిన్లు అందిస్తున్నప్పటికీ... కరోనా కేసులు పెరుగుతూనే ఉన్నాయి. ఈ నేపథ్యంలో ప్రపంచ ఆరోగ్య సంస్థ కీలక వ్యాఖ్యలు చేసింది.

కరోనాలో అన్ని వేరియంట్లను తట్టుకునేలా ఒకే వ్యాక్సిన్ ను తయారు చేయాలని డబ్ల్యూహెచ్ఓ చీఫ్ సైంటిస్ట్ సౌమ్య స్వామినాథన్ తెలిపారు. ఈ తరహా వ్యాక్సిన్ అభివృద్ధికి అన్ని దేశాలు సహకరించాలని కోరారు. భవిష్యత్తులో మనం ఎదుర్కోబోయే మహమ్మారుల నుంచి రక్షణ పొందాలంటే ఈ రకమైన వ్యాక్సిన్ ను తప్పనిసరిగా తీసుకురావాలని అన్నారు.