Anjali: సినిమా కబుర్లు.. సంక్షిప్త సమాచారం

*  ఇటీవల 'వకీల్ సాబ్' సినిమాలో నటించిన కథానాయిక అంజలి తాజాగా మరో మెగా హీరో సినిమాలో కూడా ఛాన్స్ పొందినట్టు తెలుస్తోంది. రామ్ చరణ్ హీరోగా శంకర్ దర్శకత్వంలో రూపొందే పాన్ ఇండియా మూవీలో కీలక పాత్రకు అంజలిని సంప్రదిస్తున్నట్టు సమాచారం.
*  రాజమౌళి దర్శకత్వంలో రూపొందుతున్న 'ఆర్ఆర్ఆర్' చిత్రం తాజా షెడ్యూలు షూటింగ్ ఉక్రెయిన్ లో ముగిసింది. దీంతో చిత్రం యూనిట్ హైదరాబాదుకు తిరిగివచ్చారు. షూటింగుకు సంబంధించి ఇక నాలుగైదు రోజుల ప్యాచ్ వర్క్ మాత్రం మిగిలివుంది. త్వరలోనే దానిని కూడా పూర్తిచేస్తారు.
*  ప్రముఖ బాలీవుడ్ నటుడు అభిషేక్ బచ్చన్ ఓ తమిళ చిత్రాన్ని హిందీలోకి రీమేక్ చేయడానికి హక్కులు తీసుకున్నాడు. ప్రతిభన్ దర్శకత్వంలో వచ్చిన 'ఊత్తా సేరుప్పు సైజ్ 7' అనే చిత్రం రీమేక్ హక్కులను అభిషేక్ తీసుకుని, ప్రస్తుతం చెన్నైలో షూటింగ్ కూడా ప్రారంభించినట్టు సమాచారం.