మందిరా బేడీ భర్త రాజ్ కౌశల్ కన్నుమూత

బాలీవుడ్ నటి మందిరా బేడీ భర్త, సినీ నిర్మాత రాజ్ కౌశల్ మృతి చెందారు. ఈ విషయాన్ని మరో నిర్మాత ఒనిర్ వెల్లడించారు. ఈ తెల్లవారుజామున 4.30 గంటల సమయంలో గుండెపోటుతో ఆయన తమ నివాసంలోనే మరణించారని సోషల్ మీడియా ద్వారా తెలిపారు. రాజ్ కౌశల్, మందిరాబేడీ దంపతులకు కొడుకు వీర్, కుమార్తె తార ఉన్నారు. ఆయన మృతి పట్ల పలువురు బాలీవుడ్ ప్రముఖులు తీవ్ర సంతాపాన్ని వ్యక్తం చేస్తున్నారు.