ఆసియాలోనే అత్యంత పొడవైన హైస్పీడ్ టెస్ట్ ట్రాక్ పితంపూర్ లో ఆవిష్కరణ
- పితంపూర్ లో టెస్ట్ ట్రాక్
- వర్చువల్ గా ప్రారంభించిన జవదేకర్
- ట్రాక్ పొడవు 11.3 కిలోమీటర్లు
- కొత్త వాహనాలు పరీక్షించేందుకు ఉపయోగపడే ట్రాక్
భారత్ లో ఓ భారీ నిర్మాణం రూపుదిద్దుకుంది. ఆసియాలోనే అత్యంత పొడవైన టెస్ట్ ట్రాక్ ను పితంపూర్ లో ఆవిష్కరించారు. మధ్యప్రదేశ్ లోని ఇండోర్ వద్ద ఏర్పాటైన ఈ ఆటోమొబైల్ టెస్ట్ ట్రాక్ ను కేంద్రమంత్రి ప్రకాశ్ జవదేకర్ వర్చువల్ గా ప్రారంభించారు.
ఈ టెస్ట్ ట్రాక్ పొడవు 11.3 కిలోమీటర్లు. కార్ల తయారీ కంపెనీలు తమ కొత్త వాహనాలను, ఇతర పరికరాలను పరీక్షించుకోవడానికి ఈ టెస్ట్ ట్రాక్ ఉపయోగపడుతుంది. దీన్ని అంతర్జాతీయ ప్రమాణాలతో నిర్మించారు. 16 మీటర్ల వెడల్పుతో 4 లేన్ల ఈ అండాకార టెస్ట్ ట్రాక్ ఆసియాలో ఉన్న అన్ని టెస్ట్ ట్రాక్ ల కంటే పొడవైనది.
ప్రారంభోత్సవం సందర్భంగా ప్రకాశ్ జవదేకర్ మాట్లాడుతూ, భారత ఆవిష్కరణలు, నిర్మాణ రంగంలో ఇదొక కీలక ఘట్టం అని, ప్రధాని ప్రవచించిన ఆత్మనిర్భర్ భారత్ కార్యాచరణలో గర్వించదగిన అంశం అని పేర్కొన్నారు.
ఈ టెస్ట్ ట్రాక్ పొడవు 11.3 కిలోమీటర్లు. కార్ల తయారీ కంపెనీలు తమ కొత్త వాహనాలను, ఇతర పరికరాలను పరీక్షించుకోవడానికి ఈ టెస్ట్ ట్రాక్ ఉపయోగపడుతుంది. దీన్ని అంతర్జాతీయ ప్రమాణాలతో నిర్మించారు. 16 మీటర్ల వెడల్పుతో 4 లేన్ల ఈ అండాకార టెస్ట్ ట్రాక్ ఆసియాలో ఉన్న అన్ని టెస్ట్ ట్రాక్ ల కంటే పొడవైనది.
ప్రారంభోత్సవం సందర్భంగా ప్రకాశ్ జవదేకర్ మాట్లాడుతూ, భారత ఆవిష్కరణలు, నిర్మాణ రంగంలో ఇదొక కీలక ఘట్టం అని, ప్రధాని ప్రవచించిన ఆత్మనిర్భర్ భారత్ కార్యాచరణలో గర్వించదగిన అంశం అని పేర్కొన్నారు.
