Samantha: నాగార్జున 'వైల్డ్ డాగ్' చిత్రంపై సమంత రివ్యూ

నాగార్జున ఎన్ కౌంటర్ స్పెషలిస్ట్ ఏసీపీ విజయ్ వర్మగా నటించిన చిత్రం 'వైల్డ్ డాగ్' నేడు ప్రేక్షకుల ముందుకు వచ్చింది. అహిషోర్ సాల్మన్ దర్శకత్వం వహించిన ఈ యాక్షన్ మూవీపై మీడియాలో రివ్యూలు వెలువడుతున్నాయి. తాజాగా నాగ్ కోడలు, ప్రముఖ నటి సమంత కూడా 'వైల్డ్ డాగ్' చిత్రంపై తన అభిప్రాయాలను పంచుకున్నారు. 'వైల్డ్ డాగ్' చిత్రాన్ని చూశానని, అద్భుతంగా ఉందని కితాబునిచ్చారు.

చాలాకాలంగా యాక్షన్ సినిమాలను మిస్సవుతున్నానని, ఆ లోటును 'వైల్డ్ డాగ్' చిత్రం తీర్చిందని వెల్లడించారు. యాక్షన్, భావోద్వేగాలతో హాలీవుడ్ స్టయిల్లో ఈ సినిమా ఉందని, అన్ని అంశాల కలబోతగా సాగిన ఈ చిత్రాన్ని అందరూ చూడాలని సమంత పిలుపునిచ్చారు. ఇక తన మామగారైన నాగార్జున నటనపై ప్రశంసల జల్లు కురిపించారు. ఎన్ఐఏ అధికారి విజయ్ వర్మ పాత్రను నాగార్జున తప్ప మరెవ్వరూ పోషించలేరని ఆకాశానికెత్తేశారు. వైల్డ్ డాగ్ చిత్రయూనిట్ కు ఆమె అభినందనలు తెలియజేశారు.