Uddhav Thackeray: ఆసుపత్రిలో చేరిన ఉద్ధవ్ థాకరే భార్య

మహారాష్ట్ర ముఖ్యమంత్రి ఉద్ధవ్ థాకరే భార్య రష్మి థాకరే ముంబైలోని ఓ ప్రైవేటు ఆసుపత్రిలో చేరారు. ఈ నెల 23న ఆమెకు కరోనా పాజిటివ్ నిర్ధారణ అయింది. తాజాగా చాలా నీరసంగా అనిపిస్తుండటంతో చెకప్ కోసం ఆమె హెచ్ఎన్ రిలయన్స్ ఆసుపత్రికి వెళ్లారు. అనంతరం మెరుగైన చికిత్స కోసం ఆసుపత్రిలో అడ్మిట్ అయ్యారు. ఈ నెల 11న ఆమె కరోనా వ్యాక్సిన్ తొలి డోసు వేయించుకున్నారు. మార్చి 20న ఉద్ధవ్ థాకరే కుమారుడు, మంత్రి ఆదిత్య థాకరేకు కరోనా పాజిటివ్ గా తేలింది. శివసేన అధికార పత్రిక సామ్నాకు రష్మి థాకరే ఎడిటర్ గా వ్యవహరిస్తున్నారు.