పంజాగుట్టలో ఆత్మహత్యకు యత్నించిన మానసిక రోగి... కాపాడిన స్వచ్ఛంద సంస్థ సిబ్బంది

పంజాగుట్టలో నిత్యం రద్దీగా ఉండే ఫ్లై ఓవర్ కింద ఓ మానసిక రోగి ఆత్మహత్యకు ప్రయత్నించిన ఘటన కలకలం రేపింది. ఓ అడ్వర్టయిజ్ మెంట్ బాక్సు పైకెక్కిన యువకుడు ఉరి వేసుకునేందుకు ప్రయత్నించాడు. అయితే అంతలో అటుగా బస్సు రావడంతో దానిపై పడిపోయాడు. ఫ్లై ఓవర్ కొక్కేనికి అతడు ముడివేసిన తాడును ఓ స్వచ్ఛంద సంస్థకు చెందిన సిబ్బంది తొలగించడంతో అతడు ఉరివేసుకునే వీల్లేకపోయింది. దాంతో అక్కడ నిలిపిన బస్సుపై పడిపోయాడు. అతడికి ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు. సామాజిక మాధ్యమాల్లో దీనికి సంబంధించిన వీడియో దర్శనమిస్తోంది.