Life Is Beautiful: మళ్లీ కలిసిన 'లైఫ్ ఈజ్ బ్యూటిఫుల్' కుర్రాళ్లు... ఫొటోలు ఇవిగో!

శేఖర్ కమ్ముల దర్శకత్వంలో తెరకెక్కిన లైఫ్ ఈజ్ బ్యూటిఫుల్ చిత్రం ఎనిమిదేళ్ల కిందట రిలీజై యువతను విశేషంగా ఆకట్టుకుంది. ఆ చిత్రంలో నటించిన విజయ్ దేవరకొండ ఇవాళ స్టార్ హీరో. ఆ చిత్రంలో హీరో పాత్ర పోషించిన అభిజిత్ నేడు బిగ్ బాస్ రియాల్టీ షో విన్నర్ అయ్యాడు. యువ నటుడు సుధాకర్ కోమాకుల కూడా లైఫ్ ఈజ్ బ్యూటిఫుల్ చిత్రంలో ప్రతిభావంతమైన నటన ప్రదర్శించాడు. ఈ ముగ్గురు తాజాగా విజయ్ దేవరకొండ ఇంట్లో కలిశారు.

తన మిత్రులు అభిజిత్, సుధాకర్ లను సాదరంగా ఆహ్వానించిన విజయ్ దేవరకొండ పాతజ్ఞాపకాలను నెమరువేసుకున్నారు. అంతేకాదు, ఆ సినిమాలో నటించిన ఇతర నటులతోనూ వీరు వీడియో కాలింగ్ ద్వారా ముచ్చటించారు. వీరికి విజయ్ దేవరకొండ సోదరుడు, ఇతర కుటుంబ సభ్యులు తోడయ్యారు. దీనికి సంబంధించిన ఫొటోలు నెట్టింట సందడి చేస్తున్నాయి.