Tollywood: దిల్ రాజు పుట్టినరోజు వేడుకల్లో అగ్రహీరోల గ్రూప్ ఫొటో ఇదిగో!

అగ్రశ్రేణి నిర్మాత దిల్ రాజు నేడు 50వ పుట్టినరోజు జరుపుకుంటున్నారు. ఆయన గతరాత్రి టాలీవుడ్ సినీ ప్రముఖులకు విందు ఏర్పాటు చేయగా, అనేకమంది అగ్రహీరోలు విచ్చేశారు. ఈ హీరోలతో దిల్ రాజ్ తీయించుకున్న గ్రూప్ ఫొటో ఇప్పుడు సోషల్ మీడియాలో విపరీతంగా సందడి చేస్తోంది. ఎంతో అరుదైన కాంబినేషన్లన్నీ ఈ ఫొటోలో చూడొచ్చు. మధ్యలో దిల్ రాజు ఉండగా, అటూ ఇటూ రామ్ చరణ్, మహేశ్ బాబు నిల్చున్నారు. మహేశ్ పక్కనే ప్రభాస్, అటు రామ్ చరణ్ పక్కన రామ్, విజయ్ దేవరకొండ ఉన్నారు. చివర్లో ప్రభాస్ పక్కన నాగచైతన్య ఉన్నాడు. ఈ ఫొటో అందరు హీరోల అభిమానులను విశేషంగా అలరిస్తోంది.