Manchu Vishnu: అన్నాచెల్లెళ్లుగా నటిస్తున్న మంచు విష్ణు, కాజల్!

మంచు విష్ణు, కాజల్ అగర్వాల్ అన్నాచెల్లెళ్లుగా నటిస్తున్నారు. ప్రస్తుతం వీరిద్దరూ 'మోసగాళ్లు' అనే చిత్రంలో నటిస్తున్నారు. ఈ చిత్రం గురించి తాజాగా ఓ ఇంటర్వ్యూలో మంచు విష్ణు మాట్లాడుతూ, హాలీవుడ్ లో ప్రేక్షకులను బాగా ఆకట్టుకున్న సినిమా కథకు మన నేటివిటీకి తగ్గట్టుగా మార్పులు చేసి చిత్రాన్ని తెరకెక్కిస్తున్నామని తెలిపాడు.

మన ప్రేక్షకులకు ఈ సినిమా బాగా నచ్చుతుందనే నమ్మకం తనకుందని చెప్పాడు. 24 ఫ్రేమ్స్ ఫ్యాక్టరీ, ఏవీఏ ఎంటర్టైన్మెంట్ బ్యానర్ లపై మంచు విష్ణు ఈ చిత్రాన్ని నిర్మిస్తున్నాడు. హాలీవుడ్ దర్శకుడు జెఫ్రీ గీ చిన్ ఈ సినిమాకి దర్శకత్వం వహిస్తున్నాడు. ప్రముఖ హీరో, హీరోయిన్లు కొన్ని సినిమాలలో అన్న, చెల్లిగా నటించడం బాలీవుడ్ లో కూడా జరిగింది. షారుఖ్ ఖాన్, ఐశ్వర్యరాయ్ లు అన్న, చెల్లెలు పాత్రల్లో నటించారు.