Andhra Pradesh: తానిచ్చిన హామీని పూర్తిగా మరచిపోయిన జగన్: పురందేశ్వరి
- ఇళ్ల నిర్మాణానికి ఖర్చు ప్రభుత్వానిదే
- గతంలో జగన్ ఆ హామీ ఇచ్చారు
- దాన్ని నిలుపుకోవాలని పురందేశ్వరి ట్వీట్
ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి, తానిచ్చిన హామీని మరచిపోయారని, బీజేపీ మహిళా నేత దగ్గుబాటి పురందేశ్వరి కీలక వ్యాఖ్యలు చేశారు. ఈ మేరకు తన ట్విట్టర్ ఖాతాలో ఓ ట్వీట్ పెట్టిన ఆమె, పేదల ఇళ్ల నిర్మాణానికి అయ్యే ఖర్చును ప్రభుత్వమే భరించాలని సూచించారు. ఈ మేరకు తానిచ్చిన హామీని జగన్ నిలుపుకోవాలన్నారు. "రాష్ట్ర ప్రభుత్వాల అవినీతి విషయానికి వస్తే, 300చ.అ. ఇళ్ళ నిర్మాణానికి అయ్యే ఖర్చును పూర్తిగా తమ ప్రభుత్వమే భరిస్తుందని ఇచ్చిన హామీని జగన్మోహన రెడ్డి పూర్తిగా మర్చిపోయారు" అని ఆమె పేర్కొన్నారు.
