Ambedkar: 125 అడుగుల అంబేద్కర్ విగ్రహానికి శంకుస్థాపన చేసిన జగన్

విజయవాడలోని స్వరాజ్ మైదాన్ లో 125 అడుగుల ఎత్తైన అంబేద్కర్ భారీ విగ్రహానికి ముఖ్యమంత్రి జగన్ శంకుస్థాపన చేశారు. తాడేపల్లిలోని క్యాంపు కార్యాలయం నుంచి విగ్రహం నిర్మాణ పనులను వీడియో కాన్ఫరెన్స్ ద్వారా ఆయన ప్రారంభించారు. ఇదే సమయంలో స్వరాజ్ మైదాన్ లో పలువురు మంత్రులు, వైసీపీ నేతలు ఈ కార్యక్రమానికి హాజరయ్యారు. శంకుస్థాపన ఫలకాన్ని వారు దగ్గరుండి ఆవిష్కరించారు. ఈ సందర్భంగా జగన్ మాట్లాడుతూ, అంబేద్కర్ భారీ విగ్రహాన్ని నిర్మించనుండటం తమ అదృష్టమని చెప్పారు.