నా కూతురికి నటనపట్ల ఆసక్తి వుంటే అడ్డుచెప్పను: సురేఖావాణి

తెలుగు తెరపై అక్క .. వదిన .. అమ్మ పాత్రల విషయంలో పోటీపడేవారి జాబితాలో సురేఖావాణి కూడా కనిపిస్తుంది. ఈ తరహా పాత్రలలో కొన్ని ఆమెకి మంచి పేరు తెచ్చిపెట్టాయి. అలాంటి సురేఖావాణి ఈ మధ్య  తెరపై చాలా తక్కువగా కనిపిస్తోంది. సోషల్ మీడియాలో సురేఖావాణి చాలా యాక్టివ్ గా కనిపిస్తూ ఉంటుంది. టీనేజ్ లో వున్న తన కూతురుతో కలిసి, సోషల్ మీడియాలో ఆమె ఒక రేంజ్ లో సందడి చేస్తూ ఉంటుంది.

 తాజా ఇంటర్వ్యూలో ఆమె మాట్లాడుతూ .. " నాకు తోచినట్టుగా బతకడమే నాకు ఇష్టం. నేను .. నా కూతురు సరదాగా సినిమాలకి .. షికార్లకు వెళుతుంటాము. మా అమ్మ నన్ను స్వేఛ్ఛా భావాలతో పెంచింది. అలాగే  నా కూతురిని నేను పెంచుతూ వచ్చాను. మా జీవితాలను ఎవరూ ప్రశ్నించే అవకాశం ఇవ్వను. నా కూతురు సినిమాల్లోకి వచ్చే అవకాశం  ఉందా? అనే ప్రశ్నలు ఎక్కువవుతున్నాయి. తనకి నటన పట్ల ఆసక్తి వుంటే .. సినిమాల్లోకి వెళ్లాలనే ఉత్సాహం వుంటే నేను అడ్డుచెప్పను" అంటూ తన మనసులోని మాటను స్పష్టంగా తెలియజేసింది. ఇక సురేఖావాణి కూతురు ఏ నిర్ణయం తీసుకుంటుందో చూడాలి.