Pvan kalyan: యాక్షన్ సీన్ తోనే పవన్ ఎంట్రీ

పవన్ కల్యాణ్ తాజా చిత్రంగా 'వకీల్ సాబ్' రూపొందుతోంది. హిందీ హిట్ మూవీ 'పింక్' రీమేక్ ఇది. అయితే తెలుగు ప్రేక్షకుల అభిరుచికి తగినట్టుగా కథలో కొన్ని మార్పులు చేశారు. వేణు శ్రీరామ్ దర్శకత్వం వహిస్తున్న ఈ సినిమాపై అభిమానుల్లో ఆసక్తి వుంది.  పవన్ రీ ఎంట్రీ మూవీ కావడంతో, ఈ సినిమాలో ఆయన ఇంట్రడక్షన్ సీన్ ఎలా ఉంటుందా అనే కుతూహలాన్ని కనబరుస్తున్నారు.

పవన్ రీ ఎంట్రీ .. ఒక భారీ యాక్షన్ సీన్ తో ఉంటుందని అంటున్నారు. అభిమానులతో విజిల్స్ వేయించేలా ఈ యాక్షన్ సీన్ ను డిజైన్ చేయించారని తెలుస్తోంది. సినిమా హైలైట్స్ లో ఒకటిగా ఈ యాక్షన్ సీన్ ఉంటుందని చెబుతున్నారు. ముందుగా ఈ సినిమాను మే 15వ తేదీన విడుదల చేయాలని భావించారు. కానీ లాక్ డౌన్ కారణంగా ఆగస్టుకు వాయిదా వేసుకున్నట్టు సమాచారం.