‘కరోనా’పై అవగాహన.. కూతురు, కొడుకుతో కలిసి షార్ట్ ఫిల్మ్ తీసిన సాయికుమార్

‘కరోనా’పై పోరుకు కరోనా క్రైసిస్ ఛారిటీ (సీసీసీ) కి, డబ్బింగ్ అసోసియేషన్ కు ప్రముఖ నటుడు సాయికుమార్ తన వంతు విరాళాలు ఇచ్చిన విషయం తెలిసిందే. ‘కరోనా’ పై ప్రజలకు అవగాహన కల్పించే  నిమిత్తం సాయికుమార్ ఓ షార్ట్ ఫిలింను నిర్మించారు. తన కుమారుడు ఆది, కుమార్తె జ్యోతిర్మయితో  కలిసి ఈ షార్ట్ ఫిలింను నిర్మించారు.  

ఇక కొడుకు, కూతురుతో పాటు తాను కూడా కలిసి ఈ షార్ట్ ఫిలింలో సాయికుమార్ నటించారు. డాక్టర్ పాత్రలో జ్యోతిర్మయి, పారిశుద్ధ్య కార్మికుడి పాత్రలో ఆది, పోలీసు పాత్రలో సాయికుమార్ నటించారు. పోలీస్, పబ్లిక్ ఒకటైతే ‘కరోనా’ను తరిమివేయగలమని, ‘అంతిమ విజయం మనదే’ అంటూ సాయికుమార్ విశ్వాసం వ్యక్తం చేయడం ఈ షార్ట్ ఫిల్మ్ లో కనబడుతుంది.