Corona Virus: ఇప్పటి వరకు ఏపీలో కోవిడ్ -19 పాజిటివ్ కేసుల సంఖ్య 143

ఆంధ్రప్రదేశ్ రాష్ట్రంలో నేడు ఉదయం 10 గంటల నుంచి సాయంత్రం 6 గంటల్లోపు 11 కొత్త కేసులు నమోదయ్యాయి. ఈ విషయాన్ని ప్రభుత్వం అధికారికంగా ప్రకటించింది. ఈ మేరకు ఆరోగ్యాంధ్ర, తన అధికారిక ట్విట్టర్ ఖాతాలో ఓ ట్వీట్ పెడుతూ, "రాష్ట్రంలో ఈ రోజు (02.04.2020) ఉదయం 10 గంటల నుంచి సాయంత్రం 6:00 వరకు కృష్ణా జిల్లాలో 8 కేసులు, కడప, చిత్తూరు, నెల్లూరు జిల్లాల్లో ఒక్కో కేసు నమోదు అయ్యాయి. ఇప్పటి వరకు రాష్ట్రంలో కోవిడ్ -19 పాజిటివ్ కేసుల సంఖ్య 143కి చేరింది" అని పేర్కొంది. కాగా, ఏపీలో కరోనా అనుమానితుల రక్త పరీక్షల్లో 1,321 మందికి నెగటివ్ రాగా, మరో 409 మంది పరీక్షల రిపోర్టులు రావాల్సివున్నాయి.