Suresh Raina: మా అబ్బాయి రియో రైనాను స్వాగతిస్తున్నాం: సురేశ్ రైనా

టీమిండియా క్రికెటర్ సురేశ్ రైనా మరోమారు తండ్రి అయ్యాడు. రైనా, ప్రియాంకలకు ఈరోజు తెల్లవారుజామున పండంటి మగ బిడ్డ జన్మించాడు. ఈ విషయాన్ని తెలియజేస్తూ రైనా ఓ ట్వీట్ చేశాడు. తమ కొడుకు, గ్రేసియాకు సోదరుడు రియో రైనాను స్వాగతిస్తున్నందుకు తాము గర్విస్తున్నామని అన్నాడు. ఆ చిన్నారి బౌండరీల పరిధులు దాటి ఎదగాలని ఆకాంక్షించాడు.  కాగా, రైనా దంపతులకు ఇప్పటికే నాలుగు సంవత్సరాల పాప గ్రేసియా రైనా ఉంది. ఇప్పుడు అబ్బాయి కూడా పుట్టడంతో రైనా దంపతుల ఆనందానికి అవధులు లేవు.