కొమురంభీమ్ తిర్యాణి పోలీస్‌ స్టేషన్‌లో గన్‌ మిస్ ఫైర్ కావడంతో ఓ కానిస్టేబుల్‌కు తీవ్రగాయాలయ్యాయి. ఆయన తలలోకి బుల్లెట్‌ దూసుకెళ్లిందని పోలీసులు తెలిపారు. ఆయన గన్ క్లీన్ చేస్తోన్న సమయంలో మిస్ ఫైర్ అయిందని దీంతో ఈ ప్రమాదం చోటు చేసుకుందని అంటున్నారు. కానిస్టేబుల్ పేరు కిరణ్‌ అని, అతడు తీవ్ర గాయాలపాలై రక్తపు మడుగులో పడి ఉండడంతో వెంటనే ఆసుపత్రికి తరలించామని వివరించారు. ఆసుపత్రిలో చికిత్స పొందుతోన్న ఆయన పరిస్థితి విషమంగా ఉందని వైద్యులు తెలిపారు.