Kodi Ramakrishna: కోడి రామకృష్ణ చిన్నకుమార్తె వివాహ వేడుకలో టాలీవుడ్ సందడి

దివంగత దర్శకుడు కోడి రామకృష్ణ చిన్నకుమార్తె ప్రవల్లిక వివాహం మహేశ్ తో ఘనంగా జరిగింది. హైదరాబాదులోని గండిపేటలో ఉన్న కన్వెన్షన్స్ అండ్ ఎగ్జిబిషన్స్ ఈ పెళ్లికి వేదికగా నిలిచింది. బుధవారం రాత్రి జరిగిన ఈ పెళ్లికి చిరంజీవి, మోహన్ బాబు, బాలకృష్ణ, కె.రాఘవేంద్రరావు, జయప్రద, మురళీమోహన్, జీవిత, గోపీచంద్, కోదండరామిరెడ్డి, అల్లు అరవింద్, దిల్ రాజు, నాగబాబు అర్ధాంగి పద్మజ, ఆయన కుమార్తె నిహారిక తదితరులు విచ్చేశారు. అటు రాజకీయ నాయకులు కూడా ఈ పెళ్లిలో సందడి చేశారు. తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస్ యాదవ్, ఏపీ మాజీ మంత్రి గంటా శ్రీనివాసరావు కూడా పెళ్లి వేడుకలో కనిపించారు. కాగా, బాలయ్య సతీసమేతంగా రాగా, జీవిత తన కుమార్తె శివానీతో కలిసి విచ్చేశారు.