Kesineni Nani: కేశినేని నాని హౌస్ అరెస్ట్

టీడీపీ ఎంపీ కేశినేని నానిని పోలీసులు హౌస్ అరెస్ట్ చేశారు. విజయవాడలోని నివాసంలో గృహ నిర్బంధం చేశారు. అమరావతి ప్రాంత రైతులు కొనసాగిస్తున్న ఆందోళన కార్యక్రమాల్లో పాల్గొనకుండా... ముందస్తు చర్యల్లో భాగంగా పోలీసులు ఈమేరకు చర్యలు తీసుకున్నారు. మరోవైపు, రాజధానిని అమరావతిలోనే కొనసాగించాలంటూ ఆ ప్రాంత రైతులు తమ ఆందోళనను తీవ్రతరం చేశారు. రాజధానిని ఇక్కడే ఉంచాలని... అభివృద్ధిని మాత్రమే వికేంద్రీకరించాలని వారు డిమాండ్ చేస్తున్నారు. రైతుల ఆందోళనకు విపక్షాలు మద్దతు పలుకుతున్నాయి.