Venkatesh: నేను చైతన్యతో కలిసి నటించాలన్నది మా నాన్న కోరిక: వెంకటేశ్

వెంకీమామ చిత్రంతో తన తండ్రి రామానాయుడు కోరిక నెరవేర్చానని సీనియర్ హీరో వెంకటేశ్ తెలిపారు. రియల్ లైఫ్ మామా అల్లుళ్లు వెంకటేశ్, నాగచైతన్య కలిసి నటించిన వెంకీమామ చిత్రం ఇటీవలే విడుదలై బాక్సాఫీసు వద్ద కలెక్షన్ల వర్షం కురిపిస్తోంది. ఈ నేపథ్యంలో విజయవాడలో చిత్రం సక్సెస్ మీట్ నిర్వహించారు.

ఈ కార్యక్రమానికి నాగచైతన్యతో కలిసి హాజరైన వెంకటేశ్ మాట్లాడుతూ, నేను చైతన్యతో కలిసి నటించాలన్నది తన తండ్రి రామానాయుడు కోరిక అని, ఈ సినిమాతో తండ్రి కోరిక తీర్చగలిగానని వెల్లడించారు. చైతన్యతోనే కాదని, ఇతర హీరోలతో కలిసి నటించేందుకు కూడా తనకు అభ్యంతరం లేదని వెంకీ స్పష్టం చేశారు. గతంలో మహేశ్ బాబుతో కలిసి సీతమ్మ వాకిట్లో సిరిమల్లె చెట్టు సినిమా చేశానని తెలిపారు.