Desaster Vehicles: జీహెచ్ఎంసీ చేతిలో మరో అస్త్రం... అధునాతన డిజాస్టర్ రెస్పాన్స్ ఫోర్స్ వాహనాలు ప్రారంభం!
- విపత్కర పరిస్థితుల్లో వినియోగించేలా వాహనాలు
- వాహనాల్లో జనరేటర్లు, ఆక్సిజన్ సిలిండర్లు
- పనితీరును కేటీఆర్ కు వివరించిన అధికారులు
ఎటువంటి విపత్కర పరిస్థితులు ఏర్పడినా, వెంటనే స్పందించి, ఆ ప్రాంతానికి వెళ్లి, పరిస్థితులకు అనుగుణంగా స్పందించే అన్ని రకాల పరికరాలతో నిండిన అధునాతన డిజాస్టర్ రెస్పాన్స్ ఫోర్స్ వాహనాలు గ్రేటర్ హైదరాబాద్ కు అందుబాటులోకి వచ్చాయి. ఇక్కడ జరిగిన ఓ కార్యక్రమంలో మంత్రి కేటీఆర్ మొత్తం 8 వాహనాలను సిబ్బందికి అందించారు. విపత్తుల నివారణకై ప్రత్యేకంగా రూపొందించిన వాహనాల్లో ఒక్కొక్కదానిలో ఆరు ప్రత్యేక పరికరాలు కలిగిన బాక్సులు, జనరేటర్, ఆక్సిజన్ సిలిండర్లు తదితర పరికరాలు ఉంటాయి. వాహనాల పనితీరును, పరికరాల ఉపయోగాన్ని అధికారులను అడిగి కేటీఆర్ తెలుసుకున్నారు.
