Telugudesam: టీడీపీ వ్యవస్థాపక సభ్యుడు ఓబుల్ రెడ్డికి చంద్రబాబు ఆత్మీయ పరామర్శ

టీడీపీ అధినేత చంద్రబాబునాయుడు ఇవాళ నెల్లూరు జిల్లా నియోజకవర్గాల విస్తృతస్థాయి సమావేశం నిర్వహించారు. ఈ సందర్భంగా టీడీపీ వ్యవస్థాపక సభ్యుడు, సీనియర్ రాజకీయవేత్త బెజవాడ ఓబుల్ రెడ్డిని పరామర్శించారు. ఓబుల్ రెడ్డి గతకొంతకాలంగా అనారోగ్యంతో బాధపడుతున్నారు. ఈ సందర్భంగా ఆయన యోగక్షేమాలను అడిగి తెలుసుకున్నారు. పక్కనే కూర్చుని ఎంతో ఆత్మీయంగా మాట్లాడారు. కాగా, నెల్లూరు జిల్లా నియోజకవర్గాల సమావేశాల్లో భాగంగా నేతలతోనే కాకుండా కార్యకర్తలతోనూ, అభిమానులతోనూ మాట్లాడారు. ప్రతి ఒక్కరి అభిప్రాయం తెలుసుకున్నారు. వారు చెప్పేది ఓపిగ్గా విన్నారు.