Nagarjuna: నాగార్జున వ్యవసాయ క్షేత్రంలో కుళ్లిన స్థితిలో మృతదేహం

టాలీవుడ్ హీరో నాగార్జున వ్యవసాయ క్షేత్రంలో ఓ వ్యక్తి మృతదేహం కనిపించడం కలకలం రేపుతోంది. హైదరాబాద్ శివార్లలోని పాపిరెడ్డిగూడ (రంగారెడ్డి జిల్లా)లో నాగార్జునకు 40 ఎకరాల స్థలం ఉంది. ఈ భూమిలోని ఓ పాడుబడిన గదిలో ఓ వ్యక్తి మృతదేహం కుళ్లిపోయిన స్థితిలో ఉంది. సమాచారం అందుకున్న పోలీసులు హుటాహుటిన అక్కడకు చేరుకున్నారు. అనుమానాస్పద మృతి కేసుగా నమోదు చేసి, దర్యాప్తును ప్రారంభించారు. మృతుడు ఎవరో గుర్తించే పనిలో పడ్డారు.