Anushka Shetty: సినిమా కబుర్లు.. సంక్షిప్త సమాచారం

*  వచ్చే సంక్రాంతికి ఇప్పటికే పలు పెద్ద సినిమాలు విడుదల కానున్న నేపథ్యంలో ఈ జాబితాలో తాజాగా మరో చిత్రం చేరింది. అనుష్క ప్రధాన పాత్ర పోషించిన 'నిశ్శబ్దం' (సైలెన్స్) సంక్రాంతికి విడుదల కానుంది. వీఎఫ్ఎక్స్ పనులు భారీగా ఉన్నందున ఈ చిత్రం విడుదలను సంక్రాంతికి వాయిదా వేసుకున్నారట.
*  శేఖర్ కమ్ముల దర్శకత్వంలో నాగ చైతన్య, సాయిపల్లవి జంటగా ఓ చిత్రం రూపొందనున్న సంగతి తెలిసిందే. వాస్తవానికి ఈ చిత్రం తొలి షెడ్యూలు షూటింగ్ నిన్న మొదలవ్వాలి.  అయితే, సెప్టెంబర్ 5 నుంచి ఈ షెడ్యూలు జరుగుతుందని తాజా సమాచారం. తెలంగాణ పల్లె వాతావరణం నేపథ్యంలో ఇది రూపొందుతుంది.
*  రాజమౌళి రూపొందిస్తున్న 'ఆర్.ఆర్.ఆర్' చిత్రం షూటింగును త్వరలో బల్గేరియాలో నిర్వహించడానికి ఏర్పాట్లు చేస్తున్నారు. మూడు వారాల షూటింగ్ కోసం చిత్రం యూనిట్ త్వరలో అక్కడికి వెళ్లనుంది. ఎన్టీఆర్, చరణ్ ఇందులో హీరోలుగా నటిస్తున్న సంగతి తెలిసిందే.