Ramlal: బీజేపీ కీలక నేత రామ్‌లాల్‌కు ఆరెస్సెస్ పిలుపు.. మరో బాధ్యత అప్పగింత
- సంస్థాగత వ్యవహారాల ప్రధాన కార్యదర్శిగా ఉన్న రామ్‌లాల్
- రామ్‌లాల్ సమర్థతలను దృష్టిలో పెట్టుకునే కీలక బాధ్యతలు
- ఇకపై బీజేపీ, సంఘ్‌కు సమన్వయకర్తగా రామ్‌లాల్
బీజేపీ సంస్థాగత వ్యవహారాల ప్రధాన కార్యదర్శిగా ఐదేళ్లుగా బాధ్యతలు నిర్వర్తిస్తున్న ఆ పార్టీ కీలక నేత రామ్‌లాల్‌కు ఆరెస్సెస్ అఖిల భారత సంపర్క్ ప్రముఖ్ బాధ్యతలను అప్పగించింది. ఆరెస్సెస్ జాతీయ సమావేశాలు జరుగుతుండగానే ఈ నిర్ణయం వెలువడటం విశేషం.
బీజేపీ చాలా రాష్ట్రాల్లో విస్తరించడానికి ఆయన చేసిన కృషి, సమర్థతలను దృష్టిలో పెట్టుకుని ఆరెస్సెస్ ఆయనకు ఈ బాధ్యతలను అప్పగించింది. ఆరెస్సెస్ ప్రచారక్‌గా ఉన్న సమయంలోనూ ఆయన చాలా కీలకంగా వ్యవహరించేవారు. ప్రస్తుతం రామ్‌లాల్ బీజేపీకి, సంఘ్‌కు సమన్వయకర్తగా వ్యవహరించాల్సి ఉంటుంది. ఇక ఆయన స్థానంలో తాత్కాలికంగా సంస్థాగత వ్యవహారాల ప్రధాన కార్యదర్శిగా జి.సతీశ్‌ బాధ్యతలను నిర్వర్తించనున్నారు.
