Hyderabad: ప్రియురాలి గొంతుకోసి ఆపై ప్రియుడి ఆత్మహత్యాయత్నం!

హైదరాబాద్ లోని దిల్ షుక్ నగర్ లో దారుణం జరిగింది.  ప్రియుడు తన ప్రియురాలి గొంతును కోశాడు. ఈ దారుణ సంఘటన చైతన్యపురిలోని బృందావనం లాడ్జిలో జరిగింది. ప్రియురాలి గొంతు కోసిన అనంతరం, ప్రియుడు తన గొంతు కూడా కోసుకుని ఆత్మహత్యాయత్నానికి పాల్పడ్డాడు. ప్రస్తుతం ఈ ప్రేమ జంటకు ఆసుపత్రిలో చికిత్స అందిస్తున్నారు. యువతి పరిస్థితి విషమంగా ఉన్నట్టు సమాచారం. యువకుడు వెంకటేశ్ ను ఉస్మానియా ఆసుపత్రికి తరలించి చికిత్స అందిస్తున్నారు. వెంకటేశ్ నెల్లూరు జిల్లాకు, యువతి నగరంలోని బడంగ్ పేటకు చెందిన వ్యక్తులుగా పోలీసులు గుర్తించారు.