YSRCP: చెవిరెడ్డి వల్లే చంద్రగిరిలో శాంతిభద్రతల సమస్య: టీడీపీ అభ్యర్థి పులివర్తి నాని

వైసీపీ ఎమ్మెల్యే చెవిరెడ్డి భాస్కరరెడ్డి వల్లే చంద్రగిరి నియోజకవర్గంలో శాంతిభద్రతల సమస్య తలెత్తిందని ఆ నియోజక వర్గం టీడీపీ అభ్యర్థి పులివర్తి నాని ఆరోపించారు. రామచంద్రాపురం మండలంలో నిర్వహించిన ఎన్నికల ప్రచారంలో ఆయన పాల్గొన్నారు. ఈ సందర్భంగా ఆయన మాట్లాడుతూ, ఈ నియోజకవర్గంలో అరాచకాలు సృష్టించాలని చూస్తే చూస్తూ ఊరుకోమని, కార్యకర్తలకు అండగా నిలబడతామని అన్నారు. రీపోలింగ్ ను తమ కార్యకర్తలు ప్రతిష్టాత్మకంగా తీసుకున్నారని, పోలింగ్ శాతం గతంలో కంటే పెరుగుతుందని ధీమా వ్యక్తం చేశారు.