Khairatabad: నేడు ఖైరతాబాద్ మహా గణనాధుని కర్రపూజ!
- ఖైరతాబాద్ లో వెలిసే మహా గణపతి
- పదకొండు రోజుల పాటు పూజలు
- నేటి సాయంత్రం 5 గంటలకు కర్రపూజ
హైదరాబాద్ నడిబొడ్డున ఉండే ఖైరతాబాద్ లో ప్రతి సంవత్సరమూ వినాయక చవితి సందర్భంగా కొలువుదీరి పదకొండు రోజులపాటు కోట్లాది మంది పూజలందుకునే మహా గణపతి గురించి అందరికీ తెలిసిందే. ఈ సంవత్సరం విగ్రహ తయారీ పనులకు ఆరంభంగా ఏకాదశి సందర్భంగా నేటి సాయంత్రం 5 గంటలకు కర్రపూజ నిర్వహించనున్నారు. గంట పాటు ఈ కార్యక్రమం సాగుతుందని ఉత్సవ కమిటీ చైర్మన్ సింగరి సుదర్శన్ వెల్లడించారు. కర్రపూజకు బండారు దత్తాత్రేయ, దానం నాగేందర్, విజయారెడ్డి, చింతల రామచంద్రారెడ్డి, అంజన్ కుమార్ యాదవ్ తదితరులు పాల్గొంటారని ఆయన అన్నారు.
