మూడో విడత పోలింగ్‌ సందర్భంగా పశ్చిమబెంగాల్‌లో బాంబుదాడులు

సార్వత్రిక ఎన్నికల్లో భాగంగా మూడో దశ పోలింగ్‌ సందర్భంగా పశ్చిమ బెంగాల్‌లో అవాంఛనీయ సంఘటనలు చోటు చేసుకున్నాయి. రాష్ట్రంలోని ముర్షిదాబాద్‌ మున్సిపాలిటీ దోమకల్‌ ప్రాంతంలోని ఓ పోలింగ్‌బూత్‌ వద్ద బాంబు దాడులు జరిగాయి. పోలింగ్‌ బూత్‌ను ఆక్రమించేందుకు కొందరు ప్రయత్నిస్తున్న సందర్భంగా జరిగిన ఘర్షణలో ఈ ఘటన చోటు చేసుకున్నట్లు సమాచారం.

ఈ దాడిలో ముగ్గురు తృణమూల్‌ కాంగ్రెస్‌ కార్యకర్తలు గాయపడగా వారిని ఆసుపత్రికి తరలించారు. అధికారులు అలెర్టయి పరిస్థితిని చక్కదిద్దడంతో కాస్త ఆలస్యంగా పోలింగ్‌ ప్రారంభమైంది. అసాంఘిక శక్తులను నిరోధించడంలో విఫలమయ్యారన్న ఆరోపణలపై బహరల్‌ ప్రిసైడింగ్‌ అధికారిని ఎన్నికల సంఘం విధుల నుంచి తప్పించింది.