Keerthi: సినిమా కబుర్లు.. సంక్షిప్త సమాచారం

 *  అందాలతార కీర్తి సురేశ్ కు మరో భారీ ఆఫర్ వచ్చింది. ప్రముఖ దర్శకుడు మణిరత్నం దర్శకత్వంలో రూపొందుతున్న 'పొన్నియన్ సెల్వన్ చిత్రంలో నటించే ఛాన్స్ ఆమెకు వచ్చింది. ఇందులో యువరాణి కుందవాయ్ పాత్రను కీర్తి పోషిస్తుందట.
*  నిన్నటితరం కథానాయిక రమ్యకృష్ణ తాజాగా బాలీవుడ్ మెగాస్టార్ అమితాబ్ బచ్చన్ సరసన ఓ చిత్రంలో నటించనుంది. అమితాబ్ తాజాగా 'ఉయరింద మనిథాన్' అనే చిత్రంలో నటిస్తున్నారు. ఇందులో ఆయన సరసన రమ్యకృష్ణను తీసుకుంటున్నారు.
*  తెలుగు, తమిళ చిత్రాల హీరో సూర్య తన ఫేవరైట్ దర్శకుడు బాలా దర్శకత్వంలో ఓ చిత్రం చేసే అవకాశం కనిపిస్తోంది. ఇటీవల బాల వినిపించిన కథ సూర్యకు నచ్చడంతో పూర్తి స్క్రిప్ట్ తయారుచేసుకుని రమ్మని చెప్పాడని సమాచారం. గతంలో వీరిద్దరి కలయికలో 'నంద', 'పితామగన్' వంటి హిట్ చిత్రాలు వచ్చాయి.