‘లక్ష్మీస్ ఎన్టీఆర్’ నుంచి ఫస్ట్ వీడియో సాంగ్.. రేపు విడుదల చేయనున్న వర్మ!
- ఉదయం 9.27 గంటలకు రిలీజ్
- ఈ పాటను బాలు ఆలపించారని వెల్లడి
- ఇప్పటికే ట్రైలర్ విడుదల చేసిన వర్మ
ప్రముఖ దర్శకుడు రామ్ గోపాల్ వర్మ ‘లక్ష్మీస్ ఎన్టీఆర్’ సినిమాను తెరకెక్కిస్తున్న సంగతి తెలిసిందే. ఈ సినిమా ట్రైలర్ ను ఇప్పటికే రిలీజ్ చేసిన వర్మ.. అభిమానులు, ప్రేక్షకుల్లో ఆసక్తిని అమాంతం పెంచేశారు. తాజాగా ఈ సినిమాలో తొలి వీడియో పాటను రేపు ఉదయం 9.27 గంటలకు విడుదల చేస్తానని వర్మ ప్రకటించారు. ఈ పాటను ప్రముఖ గాయకుడు ఎస్పీ బాలసుబ్రహ్మణ్యం ఆలపించారని వెల్లడించారు. దివంగత ఎన్టీఆర్ సినిమాల్లోని పాటల్లో చాలావరకూ ఎస్పీ బాలసుబ్రహ్మణ్యమే ఆలపించారని గుర్తుచేశారు.