త్వరలోనే కొత్త ఎమ్మెల్యే క్వార్టర్స్ ప్రారంభం: స్పీకర్ పోచారం

తెలంగాణ ఎమ్మెల్యేల కోసం హైదరాబాదులోని హైదర్ గూడలో నిర్మించిన నూతన క్వార్టర్స్ ను త్వరలోనే ప్రారంభిస్తామని స్పీకర్ పోచారం శ్రీనివాస్ రెడ్డి తెలిపారు. రాష్ట్రంలో 119 మంది ఎమ్మెల్యేలతో పాటు, ఆంగ్లో ఇండియన్ కోటాలో మరో ఎమ్మెల్యే ఉన్నారు. ఈ 120 మంది ఎమ్మెల్యేలకు ఆధునిక సౌకర్యాలతో క్వార్టర్స్ ను నిర్మించారు. నాలుగున్నర ఎకరాల స్థలంలో వీటి నిర్మాణం జరిగింది. ఒక్కో ఫ్లాట్ ను 2,500 చదరపు అడుగుల విస్తీర్ణంలో నిర్మించారు. వాహనాల పార్కింగ్ కోసం 3 సెల్లార్లను నిర్మించారు. ఒకే సారి 200 వాహనాలను నిలిపే విధంగా నిర్మాణం జరిగింది. క్వార్టర్స్ నిర్మాణం రూ. 166 కోట్లతో జరిగిందని పోచారం తెలిపారు.