ఓటమికి నైతిక బాధ్యత వహిస్తూ.. భారత ఫుట్ బాల్ జట్టు కోచ్ రాజీనామా

'ఆసియా కప్-2019'లో భాగంగా సోమవారం బెహ్రైన్‌తో జరిగిన ఫుట్ బాల్ మ్యాచ్‌లో 0-1 తేడాతో భారత్ జట్టు ఓటమి పాలైన విషయం తెలిసిందే. దీంతో టోర్నమెంట్ నుంచి భారత్ నిష్క్రమించింది. ఈ ఓటమికి నైతిక బాధ్యత వహిస్తూ జట్టు కోచ్ స్టీఫెన్ కాన్ స్టాన్ టైన్ తన పదవికి రాజీనామా చేశారు.

ఈ సందర్భంగా ఆయన మాట్లాడుతూ.. ‘‘నాలుగేళ్లుగా నేను భారత్ ఫుట్ బాల్ జట్టుకు కోచింగ్ ఇస్తున్నాను. ఈ నాలుగేళ్లలో మేం చాలా సాధించాము.. ఎన్నో రికార్డులు సాధించాము. ప్రతీ ఆటగాడికి నేను రుణపడి ఉంటాను. నా కాలం ముగిసింది. నేను ఇచ్చిన మాట కోసం చాలా కష్టపడ్డాను.. ఫలితం కూడా అలానే వచ్చింది’’ అని స్టీఫెన్ తెలిపారు.